Ата-әсәләргә психолог кәңәштәре
Балалары дөйөм белем биреү учреждениеларында уҡыған ата-әсәләр өсөн практик кәңәштәр.
-
Баланың үҙенсәлекле яҡтары әле үк бар, уларҙы күрә белергә кәрәк.
-
Маҡтау һүҙҙәрен йәлләмә. Башҡарыусыны маҡта, башҡарылған эште генә тәнҡитлә.
-
Баланың алдына ул атҡара алырлыҡ маҡсаттар ҡуйығыҙ.
-
Тыйыуҙарға ҡарағанда, рөхсәт итеүҙәр балаларҙы яҡшыраҡ өйрәтә.
-
Бала үҙен ни өсөн шелтәләгәнде белергә, аңларға тейеш.
-
Һәр бала - насар өлгәшәме ул, әллә яҡшы уҡыймы, хәрәкәтсәнме, әллә яймы, спортсымы ул, әллә түгелме - яратыу һәм ихтирамға лайыҡ, ул булыуы менән ҡәҙерле.
-
Талапсанлыҡты арттырыу аҙ ғына булһа ла маҡтау һүҙҙәренән башланырға тейеш.
-
Онотмағыҙ, бала тик етешһеҙлектәрҙән, уңышһыҙлыҡтарҙан ғына тормай.
-
Үҙегеҙгә инанырға кәрәк – күп осраҡта тәнҡит, талапсанлыҡ, тыйыуҙар һис кенә лә кәрәкмәй!
Ата-әсәләргә кәңәштәр
-
Балаға бәләкәй генә асыштар эшләргә мөмкинлектәр бирегеҙ.
-
Эмоциональ ҡәнәғәтлек ни тиклем юғары булған һайын, белем алыуҙа уңышҡа өлгәшеү мөмкинлеге шул тиклем үк юғары.
-
Балаларҙың яңылышыуҙарынан ҡурҡмағыҙ. Бала хатаһы – ул табыш.
-
Онотмағыҙ, бер хата икенсе фекерҙе тыуҙыра.
-
Нимәнелер аңламаған кеүек ҡыланыуҙан ҡурҡмағыҙ – ныҡлы нигеҙ табыу шарт.
-
Онотмағыҙ, баланы яратып еткермәү һәм уны түбән баһалау уҡыу барышындағы уңышһыҙлыҡтарға килтереүе ихтимал.
-
Балаға үҙе аңлай, төшөнә алырҙай нәмәләрҙе тылҡымағыҙ.
-
Балаларҙы яратығыҙ һәм һөйөүегеҙҙе күрһәтеүҙән тартынмағыҙ.